معلومات عن التشغيل والصيانه بالدفاع الجوي

admin

Administrator
طاقم الإدارة
بسم الله الرحمن الرحيم

ياشباب انا عاطل عن العمل حالياً

وطلع اسمي باخر دفعه ببرنامج التشغيل في الدفاع الجوي

وحاب استفسر عن سلبيات وايجابيات البرنامج

من ناحية الرواتب ومنطقة العمل وهل اقد انتقل من منطقة الى اخرى

ومن ناحية ساعات العمل والتعامل من الموظفين والتثبيت ...إلخ

ارجوكم ساعدوني بالمعلومات ....

لكم شكري وتقديري:)
 

admin

Administrator
طاقم الإدارة
اول شي الف مبروك على القبول وثاني الرواتب طيبة ولله الحمد والدوام 8 ساعات عمل ويوم الخميس للساعة 12 ظهرآ وبالتوفيق وبالنسبة للنقل ماعندي خلفية
 

admin

Administrator
طاقم الإدارة
واصل باجراءات القبول النهائي

الامور طيبه اخي الغالي
 

admin

Administrator
طاقم الإدارة
شباب هل الكلام صحيح بان اللي على بند التشغيل يجلس حول سنه او سنه ونص ويتم فصله على حسب مزاج المدير..؟؟
 

admin

Administrator
طاقم الإدارة
دامك عاطل توكل علي الله والرواتب ممتازه وتأمن مستقبلك. انت قلت عاطل ولاعندك شي تخسره. اللهريوفقك. بس يالبيت اعرف وش شهادتك وشف الراتب والسكن يعني احسب بتوفر ولا لا.
 

admin

Administrator
طاقم الإدارة
انا سالت قالوا
ان المهندس يتعين على المرتبه السابعه الدرجه الثالثه
الاساسي يعني 9675 ريال
وفيها بدل نقل 700 ريال
وسمعت فيه بدل 25٪
وسمعت بعد ان العلاوة 460 ريال
الله اعلم عن صحة هالكلام

انا سالت ناس كثير و بعد الاخوان في المنتدى ما قصروا
ومدري كيف الترقيات

اللهم يسرها لي و اكتب لي الخير فيها و اجعلها من نصيبي و اكتب لي الراحة فيها
 

admin

Administrator
طاقم الإدارة
شباب انا معي كلية تقنية تخصص قوى كهربائية + خيرة من شركة الكهرباء + الاتصالات + مستشفى الولادة + حاسب وانجليزي

كم راح اعادل في سلم الوظائف للبند التشغيل (على اي مرتبة واي درجة)

ساعدوني قبل مايجي الموعد انا من المدينة وخايف اتمرمط على رواتب ابو 3500 وتكفي لا سكن ولا سيارة ......
 

admin

Administrator
طاقم الإدارة
ياخوان انا موظف في الادارة الهندسية فرع الغربية ومعي كلية تقنية
وترا الرواتب زينة والمراتب الي يعطون كويسة زي الخدمة المدنية
روحو وسو المقابلة الشخصية وكملو اوراقكم ترا الوظائف تستاهل التعب
صح هي المعاملة قشرة بس مومشكلة وفيها دوام الخميس بس عندك 25% زيادة بالراتب عن الخدمة المدنية
نصيحة اخ الي طلع اسمة يكمل اجراءة القبول
انا كلية اول ماتعينت على المرتبة السادسة الدرجة الرابعة ولي معهم الحين 6 سنوات
 

admin

Administrator
طاقم الإدارة
أولا ً

مبروك لكـ

ثانيا ً

الرواتب ممتازة جدا ً مقارنة برواتب الشركات وتراك تشتغل 8 ساعات باليوم والخميس 5 ساعات
وعندك أجازة سنوية 30 يوم وأضطرارية 10 أيام في السنه وعندك 5 أيام في الفطر و5 أيام في عيد الاضحى أجازة و15 يوم بدون راتب وغير كذا تتعالج أنت وعائلتك يعني زوجتك وأولادك وأبوك وأمك في المستشفات العسكرية
الاعياد تقدر تداوم فيها أضافي وتعوض بعدها بأيام أو بفلوس عـ حسب الادارة الي بتتوظف فيها

وغير كذا ترى أول 3 شهور فترة تجريبية كل شهر يتم تقييمك من مديرك المباشر ويكون التقييم شامل الحضوروالانصراف وكفئاتك بالعمل وراح يكون التقييم من 100 درجة يعني بالعربي ضبط المدير المباشر وخاصة أذا كان أجنبي بعد 3 شهور عيش حياتك ههههه كل نهاية سنه راح يكون لك تقييم اداء عن كل السنة يشمل الكثير من البنود وعلية تجيك زيادة سنوية مثال ( اذا كان قييمك 5% راح تكون زيادتك كاملة )
الزيادة تكون 5% من الاساسي كل سنة يعني الزيادات تكون ع أخر راتب أساسي تستلمه مثال ( راتبك 5000 ريال وخذت 5% صار 5250 ريال السنة الي بعدها تكون حسبة 5% على 5250 ريال مو على اول راتب 5000 ريال) اذا عندك اولاد لك ساعةيوميا توديهم مدارسهم ...

ثالثا ً

توقعي يعطونك المرتبة السادسة أو الخامسة ع أقل تقدير والعلم عندالله

رابعا ً


أي شي تبي في الخدمة


خامسا ً

دعواتك ..

سادسا ً

بالتوفيق لكـ
 

admin

Administrator
طاقم الإدارة
الله يجزاك الف خير يا مكتب

انا مهندس و اسمي طلع معهم
لكني موظف في شركة بن لادن
و طلبوا برنت من التامينات
وطلع اني موظف ببن لادن
عادي هالشي !؟ والا افصل و اروح لهم !؟

ثانيا
سمعت ان فيه بدل 25%
وسمعت ان المهندس يتوظف على
المرتبه السابعه الدرجه الثالثه
يعني 9675 ريال
شاملة البدل والا مافي بدل من الاساس

ثالثا
نظام الترقيات كيييف !؟

وجزاك الله كل خير
ولو تسهلت الامور يمكن اتوظف عندكم بجده ههههه
 

admin

Administrator
طاقم الإدارة
حبيبنا المهندس

9675 مشموله بالبدل 25% وبالنسبه للبدلات مافيه الا بدل نقل فقط لوظيفة المهندس

الترقيات للاسف لحد الان موقفه ولكن ان شاء الله تنحل مشكله الترقيات
 

admin

Administrator
طاقم الإدارة
للتوضيح اكثر

سلم ديوان الخدمة المدنيه المرتبه السابعه الدرجه الثالثه يعادل راتبها 7740

بند التشغيل والصيانه يزيد عن ديوان الخدمه 25% يعني 7740 × 25%=1935

اذن الراتب اللي نقول لك عنه وهو 9675 = راتب ديوان الخدمه 7740 + بدل التشغيل والصيانة 25% 1935
 
أعلى