كـــم رآتب رقـيب فنّي في آلمبآحـث آلعـآمة ..؟؟

admin

Administrator
طاقم الإدارة
تحيه . طيبه للجميع .. وأسسسسعد الله صباحكم بالخير جميع ...
أولا رقيب بالمباحث بيني وبينكم .. افضل من 700 لأ راتب الرقيب وبالسجون حاليا : تقريبا 14300 ريال
وبالنسبه للراتب راح يزيد بعد سنه وراح يوصل تقريبا 19000 برتبه رقيب اول اخر مربوط .. ورئيس الرقباء زيادة .. المهم .. راح تترقأ وتقريبا راح توصل رتبة رائد والعمر أمآمك .. بمشيئه الله .. مزيد من التوفيق للجميع

أول شي صل الاستخاره لكن أسال مجرب ولا تسأل طبيب .. الرقيب جدا نآيس .. وأنصحك فيهآ ونسأل الله لنآ وللجميع الخير يارب

وعلى فكره شغله انك .. تنكرف ومدري وشو والكلام الفاضي .. وأن العسكري مهآن .؟ اكبر غلط هالكلام وصدقني مآفيه اي اهآنه لكن كل انسآن واخلاقه . يعآملونه النآس
عآمل النآس بأحسن أخلاق يعآملونك بالمثل . سوى كنت فرد او ضآبط و اي منصب بادوله
ويكفي انك تخدم بلدك حتى لو كنت . فراش
تحيآتي للجميع
 

admin

Administrator
طاقم الإدارة
لعساكر عموما" ما عندهم عمل وعشاااان ما اظلمهم كلهم بعض التخصصات الفنية تجيهم زنقااات جامدة لمدة يوم أو يومين ....فقط ... غير كذا كلهم يداومون من غير شغل .... واسأل أي واحد منهم وقله كم ثلاجة قهوة وبراد شاهي تشربون في اليوم ؟؟ هذا من ناحية العمل ... لكن الاهانات ما أدري عنها كثير ... ولكن لي وجهة نظر فيهااعتقد فيه اهانات لكنها موجودة في كل القطاعات في السعودية لان ثقافة صاحب أي منصب هي إهانة الناس حتى تكسر عيونهم وما احد يرفع راسه المشكلة العظمى أن الموظفين ما عندهم ردود فعل واضحة ضد الاهانة ... أما من ناحية الاستقرار فالمدني أفضل عمرهم مراح ينقلونك الا بطلبك .. طوال حياتك مستقر ...
الاستقرار أصبح حلم للعسكريين صعب أنه يتحقق ...
من وجهة نظري اذا تقبلها ... انصحك تكون مدني أفضل من العسكرية ... وبصراحة بأسألك ولا تزعل مني س : كيف جاتك وظيفتين كلهن حلوات وانت تتخير بينهن ؟
انصحك من تجربة المدني افضل وتوكل على الله لو بربع الراتب العسكري ( لاحظ ربع مش نص )
بالتوفيق لجميع شباب المسلمين .
 

admin

Administrator
طاقم الإدارة
رقيب/ يستلم اول مربوط في المباحث يستلم راتب 12.800 الف من غير الأنتدابات ...ومن غير بدل الأعاشة..توكل على الله وسجل في المباحث ...واترك عنك ديوان المراقبة العامة ...وبعدين لاتنسى ان عملك في السجون ..يعني ماعندك شغل جلسة الى نهاية الدوام ...واذا لحقك مناوبة بعد شهر يوم واحد واي مهمة تروح فيها تاخذ انتداب .....نصيحة مني سجل في المباحث ولاتنسى ان المباحث الترقيات عندهم تترقى في نفس مكانك اللي انت فيه ...مو مثل باقي القطاعات ....
 

admin

Administrator
طاقم الإدارة
انا افيدك وان خوك رقيب فني وبعد في سجون المباحث راتبك لا يقل عن 13500ريال وخذ كلام اخوك بعدين في المباحث مايلزمونك تعمل على تخصصك وبالعكس عملهم مافيه تعب وانتدابات بالكريك واذا حطو ك دوام بثوبك وان حطوك استلام ماعليك خوف لانك رقيب والرقيب في المباحث فله راي في المدنيه صح انها راحه ولااحد يسالك ولاانت مربوط باجازه خارجيه وبالمناسبه ترا الاجازه الخارجيه في المباحث سهله
 

admin

Administrator
طاقم الإدارة
حياك أخوي وألف مبروك مقدماً والله يرزقك ويكتب لك مافيه الخير
1ــ أنصحك بالاستخارة .
2ــ الموضوع محير لكن من وجهة نظري وكما ذكر بعض الأعضاء بأن الأفضل لك المباحث لأن رواتبها زينة ، وأنا أعرف ناس من قرابتي في المباحث ومرتاحين ، وكمان مثل ماذكر الإخوان بكرة تتقاعد ضابط برتبة رائد أو أعلى ، أنا أنصحك ماتفرط في هذه الوظيفة وخل عنك ديوان المراقبة لأن العمل واحد هنا وهناك وهم مثل ماقلت عندهم ضغط والمباحث فلة فيها انتدابات وبدلات وخارج دوام كثيرة في مصلحتك ، أنت تبي تتمتع الآن وتستفيد ونظام التقاعد لاتفكر فيه الآن وإن شاء الله بيتغير حتى لو ماتغير أتوقع إن راتبك راح يكون زين وقتها مادام راح تصل ضابط بعكس المدنية لا ترقيات ولا محفزات أو مميزات ، والمباحث فروعها في كل مكان مكان مابغيت تقدر تنقل بإذن الله .
فكر زين قبل كل شيء واستخر ربك ، وعليك بسؤال أناس يعملون في المباحث وراح تلقى تأييد لهذه الوظيفة خاصة إنك شباب وهذه الوظيفة اليوم مستحيلة تلقاها في نفس القطاع إلا بتعب .
وفقك الله لكل خير .
 

admin

Administrator
طاقم الإدارة
انحش عن العسكريه والتي مالها مستقبل ماذا تريد فيها
صحيح الراتب اعلى من 11 الف ريال
ويوصل راتبك تقريبا لحد 17 الف ريال
واذا تقاعد تنزل جميع البدلات وتستلم تقريبا 9000 ريال فقط
طيب ركز معي شوي
وانت على راس العمل وصلت 17 الف
واذا انتهت خدماتك 9000 تقريبا
كم نزل عليك الان
تبي شوري انحش عن العسكريه
 

admin

Administrator
طاقم الإدارة
ياعبدلي

فر من العسكرية فرارك من الاسد
صح ان الراتب دبل راتبك في ديوان المراقبة لكنك عسكري
رح ياعسكري تعال ياعسكري
نفذ ياعسكري تحرك ياعسكري
وانت عسكري في السنة مرة تاخذ اجازة برا وحسب النسبة
اما المدني فكل اجازة تستطيع الخروج الى اي مكان بعجبك

الراحة نصف القوت وانا اخوك ف7400 بيبارك الله فيها وبتعيش بسلام
العسكرية مرض وجبن وخوف وهستيريا
انا ما اقول ان ما في العسكرية راحة لا بل فيها نوووم لكن يجيك يوم يعيفك 1000 يوم ونفذ ياعسكري
انا عن نفسي فال ابوها بالدوام العسكري يمكن دوامي بالشهر 6 ايام فقط لكني عارف ان به يوم سينغص علي
فنصيحتي لك يابن عباد بالفرار من العسكرية

هذا رأي شخصي وشخص مجرب العمل
 
أعلى