كـــم رآتب رقـيب فنّي في آلمبآحـث آلعـآمة ..؟؟

admin

Administrator
طاقم الإدارة
السلام عليكم ورحمة الله وبركاتـه

أسعد الله أوقاتكم بكل خير ،

الموضوع باين من عنوانه ، وإليكم التفاصـيل ،،

أنــآ مقدم على رقيب فنّي في المباحث العامه ، والتعيين يكون بالسجون !
خلصت كل الكشوفات تقريباً وانتظر اتصال .

وفي نفس الوقت اتصلوا علي ديوان المراقبة العامة ،

وهنا صار عندي خيارين ،

من ناحية ديوان المراقبة العامه عندي معلومات كويسه عنها ، والراتب تقريباً 7400 ريال ،،

وعشان اقدر اسوي مقارنه واضحه بالنسبه لي بين الوظيفتين ، أحتاج مساعدتكم و بقوّه

اللي أحتاج اعرفه في المباحث العامة ،

- كم تقريبااً يكون راتب الرقيب الفنّي في المباحث العامة ، في السجون مع العلم ان تخصصي محاسبة ؟
- ماهي مميزات العمل عندهم و عيوبه ، كيف طريقته ، هل هو استلامات والا دوام عادي والا وش النظام ؟
- الرقيب في المباحث ، كيف وضعه من ناحية الإجازات الخارجية والترقيات وهالأشياء ؟ اموره ماشيه وسهالات والا تعقيد ؟

اذا مافيه تحديد ل الراتب بالضبط والبدلات ، على الاقل اللي عنده علم كم الحد الادنى اللي ممكن يكون وكم ممكن يوصل ك حد اعلى ؟ ،،


وأنـا بيكون اتخاذ قراري يعتمد على ارائكم اعتماد كبير بعد الله سبحانه وتعالى ،
وانا كلي ثقه فيكم بحكم خبرتكم واطلاعكم وتعاونكم مع كل اللي شفت من مواضيع وتعاون ومساعده للكل ،


وكل الشكر لكم
 

admin

Administrator
طاقم الإدارة
شف ونا اخوك ابتعد عن العسكرية يرزقك الله واترك عنك عبارات العسكر العسكريه رجالة ومرجله ومن ذا الكلام الفاضي توكل على الله ورح باشر في ديوان المراقبة احسن وابرك من العسكريةوبعدين ونا اخوك الراتب 7400 وحاول سجلونك اوفر تايم تاخذ 50 % يعني يصير الراتب فوق ال 11 الف ريال نعمة كريم واجازات واعياد وناسه واجازات داخلية وخارجية ولا احد يسألك وين راح او وين جاي
مو زي العسكري المنتف استلامات ومناوبات ودوام ايام العيد وخارج المملكة انس يعطونك اجازه
طع شور اخوك وراح تدعيلي
 

admin

Administrator
طاقم الإدارة
شف ونا اخوك ابتعد عن العسكرية يرزقك الله واترك عنك عبارات العسكر العسكريه رجالة ومرجله ومن ذا الكلام الفاضي توكل على الله ورح باشر في ديوان المراقبة احسن وابرك من العسكريةوبعدين ونا اخوك الراتب 7400 وحاول سجلونك اوفر تايم تاخذ 50 % يعني يصير الراتب فوق ال 11 الف ريال نعمة كريم واجازات واعياد وناسه واجازات داخلية وخارجية ولا احد يسألك وين راح او وين جاي
مو زي العسكري المنتف استلامات ومناوبات ودوام ايام العيد وخارج المملكة انس يعطونك اجازه
طع شور اخوك وراح تدعيلي
كلام سليم وفي محله
صح ان في المباحث الراتب ماراح يقل عن عشره لكن اشتر راحتك وانا اخوك
والقرار الاول والاخير للك
 

admin

Administrator
طاقم الإدارة
محتار و ابو فجر

الله يعطيكم العافيه على الاهتمام والرد

و رايكم على العين والراس

وفي انتظار باقي الاراء حتى توضح لي الصوره اكثر
 

admin

Administrator
طاقم الإدارة
توكل على الله وروح لديوان المراقبه .. بس اهم شي اسل عن الترقيات عندهم كيف اذ ماافيه ترقيات روح للمباحث
عشان ديوان المراقبه يمكن يعطيك المرتبه السادسه تعادل في العسكريه رتبة رقيب اول
والراتب في المباحث اتوقع مااراح يقل عن 11 الف وبعدين تترقاء وان شالله بتوصل رئيس رقباء وراح تقفل جميع المرابيط واذ الله عطك عمرك يمكن تتقاعد 11 الف صلي الاستخاره وروح لديوان المراقبه
 

admin

Administrator
طاقم الإدارة
ديوان المراقبة المعروف عنه ان برضو كررف في العمل ، عشان كذا في السادسه يعطون 7400 بزياده 20%

ولاكن النظره توجهت ل التقاعد ولما بعد التقاعد وهالأشياء ان الله عطانا عمر يمكن تتغير ويصير لها الف حلال ،،

ولاكن الكلام على طبيعة العمل في الوقت الحالي بالنسبه للمباحث والحد الأدنى ل الراتب لأني انا بعتمد بعد الله على هالراتب اعتماد كلي في فتح البيت وبناء حياتي من كل النواحي ،،

ف مثلاً لو كان فرق الراتب 3 الاف واقل يمكن اختار الديوان ،
ولاكن مثلاً لو كان الفرق فوق ال 4 الاف ويتجاوز ال 5 الاف بعد هنا ممكن افكر في ان هالراتب بيختصر علي مشوار كثير في بناء الاشياء اللي ابيها ،

عشان كذا انا اكثر استفسار لي يدور حول الحد الأدنى ل الراتب وكم ممكن يوصل وكيف ممكن تكون طبيعة العمل ،،


وكلي شكر وتقدير على ردودكم اللي ينبع منها احساس اهتمام الأخ ب مستقبل اخوه ، وهذا ماهو مستغرب على ناس راقيين مثلكم ،


وبإنتظار اللي يفيدني بِ الحد الأدنى ل الراتب والحد اللي ممكن يوصل له كحد اعلى ، وعن طبيعة العمل في السجون ومدى بساطة او تعقيد العمل فيها ،
 

admin

Administrator
طاقم الإدارة
أتمنى لك التوفيق مقدماً أخي العزيز ,, ولكن أتمنى أوضح لك بعض المعلومات المغلوطة التي ذكرها الأخ محتار .. حين قال ان العسكرية كرررف وإجازاتك فقط داخل المملكة ..

أولاً : أنا عسكري ووالله العلي العظيم وأقسم بالله أنني في راحة في عملي لايكاد يجدها أي مدني أبداً الا مارحم ربي

ثانياً : فوالله العظيم أنني من عام 1425 أطلع إجازات خارجية وليس لدي أي مشكلة في ذلك أبداً

ومن ناحية راتب المباحث فلا أفتيك لكنني اعرف صديقاً لي برتبة وكيل رقيب ويستلم تقريباً 9 آلاف وهو حديث في عمله ووالله أنه مرتاح راحة كبيرة وهو يستلم يوم ويسلم يومين وأحياناً ثلاثة أيام ,,

توكل على الله واستخر ,, والله يكتب لك اللي فيه الخير
 

admin

Administrator
طاقم الإدارة
مباحث رتبه رقيب راتبك فوق 11000
4سنوات تعلق رقيب اول و5 سنوات تعلق رئيس رقباء
انصحك فيها
ومن حظك ترى سنين وهم يقبلون جنود وجامعيين
 

admin

Administrator
طاقم الإدارة
ان بغيت الشوور

ديوان المراقبه بيعطونك حقك من المرتبه المستحقه

انت شهادتك جامعيه بما انك بتتعين على المرتبه السابعه مدني وبرتبة رقيب عسكري

ان بغيت الراتب سوى حاليآ ومستقبلآ شف المدني تراء رواتبهم زينه

انت بتخش عسكري مع البدلات راتبك بيوصل لل 11 الف ويمكن توصل الى 13 الف مع البدلات اضافيه،،

وانت مدني راتبك بيكون زي ماقلت 7000 فيه فرق كبير ان راتب العسكري افضل لكن في التقاعد مهو افضل

لن انت مدني اساسآ تستلم راتب اساسي مع بدلات بسيطه جدآ ويمكن البدل مايوصل 500 ريال ،،

خله 1000 ريال البدل ،،

لكن العسكري الرقيب راتبه الاساسي 6000 ريال ومع البدلات يوصل لراتبه 12 الف او 13 الف ريال ،،

لكن لاتقاعد راح نصف راتبه واستلم 6000 وبالقوه اعرف زميل لي رقيب اول خدمته في الرتبه اقل من سنه ترقيته منحه ،، راتبه الحالي يقول 13 الف ريال ،،
خدمته 27 سنه يقولي لو اضمن ان راتبي التقاعدي 5000 ريال يقول والله العظيم اقدم تقاعد

بينما انت مدني بتتعين على المرتبه السابعه واقل شي بتخدم في عملك مدني اقل شي 30 سنه خلال الثلاثين سنه اكيد بتوصل للمرتبه التاسعه ويمكن توصل للعاشره والحادي عشر تقاعدك طيب وانا خوك ،،
 

admin

Administrator
طاقم الإدارة
اخوي نكون صادقين مع بعض الحياة المدنية اسهل واطيب وارقي بالتعامل
صح رتبة رقيب تتعين عليها تكون طيبه وكونك صغير بالسن وخريج جامعي
والراتب بالسجون السياسية لايقل عن 13 الف ريال بس والله قمة المسؤلية
وعملها اشوية ارهاق وفيه مسؤلية .. ولكن بدلات خذ
حتي الاعاشة توصلهم اول بأول وعلي حساب السجن ويستلمون بدل اعاشة
يعني موفرين لك كل سبل الراحة بس عمل عمل ..
ولكن لاانصحك فلو خيرت الان وكون راتبي فوق 11 الف وبوظيفة مرتبة رابعه براتب 5 الالف والله اروح وانا مغمض
وديوان المراقبة لك وضعك الاجتماعي وحياتك السلسه وايضآ مشاءلله عليهم عندهم مخارج المدنين كل شهر نازله خارج دوام يعني تحصلها هيا هيا نفس الراتب والله او اوقل بالف
فالمدني افضل بكثيرر وراتبه كله اساسي
واريد ان اقول لك اولآ وقبل كل شي استخير ثم استخير
لك تحياتي
 

admin

Administrator
طاقم الإدارة
أشكركم جميعاً على الرد ،
فعلاً كيفتم و وفيتم واثلجتوا صدري ،
ما خاب الظن فيكم وكل كلمه انكتبت في هالموضوع على العين والراس واخذها في عين الإعتبار ،

وانا شايف ان النسبه الاكبر للوظيفه المدنيه ، وبإذن الله تعالى اني بعتمدها والخيره في ما اختاره الله ،


شاكر ومقدر تعاونكم ، والله يوفقكم جميعاً ويسر لكم اموركم ويسعدكم في الدنيـا والآخره
 

admin

Administrator
طاقم الإدارة
اخي الكريم
قطاع المباحث عملهم مريح
رقيب في المباحث رتبة طيبه
والي على السجون يستلمون راتب اكثر عندهم بلات كثيرة

ونت صل الاستخاره

وشوف الشي الي قلبك مرتاح له وتوكل على الله
 
أعلى